你好Weddy，睇左你既網覺得你真係好犀利，由其是蛋糕裝飾，真係好靚，我有幾個問題唔係好明，想請教你，希望你唔好介意
1)如果個蛋糕有d位置一定要雪(e.g.鮮奶油或cake裡面係mousse cake)，但裝飾係用奶油糖霜(butter-cream icing)或者蛋白糖霜(royal icing)，咁裝飾完可唔可以放入雪櫃？
2)糖粉係唔係=糖霜=icing sugar？
3)用剩既翻糖(fondant)及(gum paste)放係密實盒，可keep幾耐？而奶油糖霜和蛋白糖霜用剩又可以點keep？
4)我之後試過用塑形朱古力(朱古力+栗膠)做裝飾蛋糕，但係我隻手太熱，令到塑形朱古力好易變軟同黏住整唔到，我仲要開住冷氣，我想知fondant及gum paste會唔會咁，會唔會好易黏手嫁？係唔係可以唔使開冷氣整？
5)棉花糖fondant可唔可以用手提打蛋器做?會唔會懷嫁?如果唔得，用手既話要用咩方法揉，幾時先知ok？
6)翻糖、奶油糖霜、蛋白糖霜如要上色係唔係用食用色膏(color paste)？如果gum paste要加色呢，是否用同一種顏料？
7)一般色粉(Petal Dust)可以用在那裡？
8)食用色膏(color paste)可唔可以混色用，即係例如買一支紅一支藍，混合變成紫，那就不須買紫色，可唔可以做到呢？
9)你係唔係住o係外國？你知唔知香港邊度可以買假蛋糕(cake dummy)？同埋你上邊個網訂工具？
唔好意思有咁多問題，其實我已睇了烘焙新手筆記，但係有d地方仲係唔明先問你，希望你唔好介意